Cаха тылын, литературатын  нэдиэлэтэ

Биһиги оскуолабытыгар олунньу 7-14 күннэригэр Арассыыйаҕа норуот айымньытын, Саха өрөспүүбүлүкэтэ тэриллибитэ 100сылын, үөрэх эйгэтигэр Ааҕыы сылын көрсө «Төрөөбүт тылым – ийэ туругум» диэн  Төрөөбүт тыл, сурук-бичик күнүгэр аналлаах саха тылын, литературатын  нэдиэлэтэ ыытылынна.

Нэдиэлэ чэрчитинэн араас тэрээһиннэр буоллулар, ол курдук:  5-10 кылаастарга диктант суруйуута,  5-6 кылаастарга “Тыл оонньуута” оонньуу – тургутук, 8-10 кылаастарга “Ааҕыы – сайдыы төрдө”айар викторина, саха советскай литературатын төрүттээччи П.А. Ойуунускайга аналлаах хоһоон ааҕыыта, олоҥхо тыйаатырын артыыһа Василина Балановалыын, куораттааҕы оҕо бибилэтиэкэтин үлэһиттэрин кытта куйаар нөҥүө көрсүһүүлэр  кэрэхсэбиллээхтик ыытылыннылар.

Нэдиэлэ түмүгүнэн кыайыылаахтарга кырааматалар  уонна туоһу суруктар туттарылыннылар. Үөрэнээччилэрбитин кыайыыларынан эҕэрдэлиибит, көхтөөхтүк кыттыбыттарыгар махтанабыт. Төрөөбүт тылгытын таптааҥ, харыстааҥ, үөрэтиҥ!

Нэдэлэ түмүгэ

 1,620 Просмотров всего