Олунньу 13 күнүгэр биһиги оскуолабытыгар “Олоҥхо дойдутун оҕото” диэн ааттаах 2 республиканскай сахалыы уус уран айымньы күрэҕэ буолла. Быйылгы күрэххэ 3 улуус уонна 5 куорат коррекционнай оскуолалара кытыннылар. Кыттааччылар бары сүрдээх үчүгэйдик бэлэмнэнэн кэлбиттэр. Чахчы да киһи сөҕө-махтайа көрөр түгэннэрин бэлэхтээтилэр.
Дьүүллүүр сүбэҕэ
Данилова Н.К. Тылы чинчийэр институт сүрүн научнай үлэһитэ, АГИКИ преподавателлэрэ Павлова О.К., Аммосова М.Ф. олордулар. Уопсай түмүк маннык буолла:
ОЛОҤХО:
1 миэстэ – “Дыырай бэргэн” (Данилова П.А., Ермолаева Е.А., Семёнова В.И.), биһиги оскуолабыт,
2 миэстэ – ” Тимир куйахтаах Дьурантай бухатыыр”, 34-с оскуола,
3 миэстэ – “Эрчимэн Бэргэн “, Кыйы оскуолата.
ХОМУС:
1 миэстэ – “Боотурга уһуйуллуу”, 2-с оскуола
2 миэстэ – “Өбүгэ ситимэ” (Румянцева Н.Н.) биһиги оскуолабыт
3 миэстэ – “Сахалыы матыыптар” , Амма оскуолата.
ЧАБЫРҔАХ:
1 миэстэ – “Чобуо чабырҕах ” (Гаврильева У.П.), биһиги оскуолабыт
2 миэстэ – “Былыргы чабырҕах”, Өлөчөй оскуолата.
ҮҤКҮҮ:
1 миэстэ – “Сахам сирэ” , ОШИ
2 миэстэ – “Чохчоохой” , истибэттэр оскуолалара
3 миэстэ – “Кымыстаах чороон” (Кривошапкина А.С.), биһиги оскуолабыт.
Бу саамай улахан күрэхтээх түһүмэх буолла. Манна барыта 7 үҥкүү баар этэ.
САХАЛЫЫ МУЗЫКАЛЬНАЙ ИНСТРУМЕННАР:
1 миэстэ – “Көмүс долгун алааспар”, ОШИ
2 миэстэ – “Добун” , Амма оскуолата
3 миэстэ – Кыйы оскуолата.
ГРАН ПРИ хаһаайынынан буолла ОШИ оскуолатын “Көмүс долгун алааспар” диэн музыкальнай инструменнарын бөлөҕө.
Дьүүллүүр сүбэ күрэх бары көрүҥнэрин 10нуу баалынан сыаналаата. Онно 3 чаҕылхай көрдөрүү толору 30 баалы ылла: “Боотурга уһуйуллуу” хомус, “Сахам сирэ” үҥкүү, “Көмүс долгун алааспар” саха музыкальнай инструменнарын бөлөҕө.
Маннык уһулуччу үрдүк таһымнаах толоруулар кыттааччылары барыларын үөрэтэллэр уонна өссө үрдүк ситиһиилэргэ угуйаллар.
Бүгүҥҥү күрэххэ биһиги оскуолабыт кыттааччыларын көстүүмнэригэр дьүүллүүр сүбэ бары көрүҥнэргэ 10 баалы туруорбут. Бу биһиги оскуолабыт үлэһиттэрин көстүүм тигиитигэр көхтөөхтүк кыттыспыт сыралаах үлэлэрин түмүгэ буолар.
Бүгүҥҥү төрөөбүт төрүт тылбытыгар аналлаах тэрээһиммит үрдүк таһымнаахтык ааспытынан эҕэрдэ!
