Боотурдар оонньуулара

Ааспыт субуотаҕа оскуола үбүлүөйүгэр аналлаах 2-4 кылаастарга 8-с төгүлүн ыытыллар өрөспүүбүлүкэтээҕи Боотурдар оонньуулара үрдүк таһымҥа ааста. 5 оскуолаттан 11 кыра боотурдар 7 көрүҥҥэ өбүгэлэрбит оонньууларыгар илин-кэлин түһүстүлэр. Кытаанах, ыгыллыылаах күрэхтэһии түмүгүнэн, муҥутуур кыайыылааҕынан ааттанна биһиги уолбут Вадим Ефимов – 4 “а”, кылаас салайааччыта Джемма Иннокентьевна уонна Ирина Ивановна. Үһүс бочуоттаах миэстэ үрдүк чыпчаалын ситистэ Айаал Баишев – 3 “б”, кылаас салайааччыта Татьяна Иннокентьевна.Улахан махталбытын  тиэрдэбит оскуола дьаһалтатыгар, тэрийэр бөлөх салайааччытыгар Октябрина Валерьевнаҕа, Надежда Ксенофонтовнаҕа, “Кэрэ” студияҕа, салайааччы Татьяна Павловнаҕа, күрэхтэһиини музыканан киэргэппит Иван Советовичка, интернат иитээччилэригэр Валентина Краснославовнаҕа, Людмила Романовнаҕа. Ыалдьыттарбыт, тренердэр улаханнык астынан үөрэн-көтөн бардылар, эһиил олох дьаныардаахтык дьарыктанан реванш ыла кэлиэхпит диэн махталларын тиэртилэр. Ол курдук өбүгэлэрбит оонньообут оонньууларын сымсатын, имигэһин,түргэнин, күүстээҕин уонна мындырын сөҕөн-махтайан, дуоһуйа оонньоотулар, илин-кэлин түһүстүлэр. Махтаныа этибит дьүүллүүр судьуйаларга, пед.колледж физкультурнай салаатын студеннарыгар уонна спортивнай комментаторга.

Түгэнинэн түбэһэн этиэхпитин баҕарабыт оскуола дьаһалтатыгар, хамнас саҥа төлөбүрэ киирэринэн сибээстээн эт-хаан өттүнэн кэнэҕэски кэнчээрилэрбит сайдалларын туһугар, олоххо тэҥник хаамсалларыгар, уруок кэнниттэн эбии чааһы (спортивнай секцияны), чааһын быспакка, үөрэтэн көрөллөрүгэр баҕа санаабытын тиэрдэбит.

Онтон бу ситиһиибит курдук оҕолорбут доруобайдык, эт-хаан өттүнэн сайдыылаах, олоххо ситиһиилээхтик улааталларыгар туох баар билиибитин, ситиспит ситиһиилэрбитин барытын уһуйан, эрчийэн өссө инники диэки хардыылыахпыт диэн эрэннэрэбит.

Болҕомтоҕут иһин баһыыбаларын!

Петров М.М., физкультура учуутала.